Puisi Cinta Batak, Sirongkap ni Tondi
 |
| Puisi Cinta Batak, Sirongkap ni Tondi |
Sorang au tu portibion sada do dainang pangintubu i
Alai padua damang parsinuan ma na pagodang-godang au uju i
Sonari nunga magodang au gabe doli-doli
Hujalahi do songon burju ni dainang pangintubu i
Hulului do tu ganup luat naung hudalani
Alai ndang jumpang au dope na nidokna sirongkap ni tondi
Hubukka do nian pintu ni rohangku tu angka boru ni raja i
Alai tung sada pe ndang adong na boi manganju siboadi
Didia do bintang panondang i
Sondangi ma rohangkon ale bintang sigaraniapi
Rongkap ni tondi
Boasa ho tung holip
Ale tondiku, jou ma rongkapmi
Unang sai lungunan au di nabuni
Sada do padan di rohangki
Ingkon sada do sirongkap ni tondingki
Jala ibana ma haholonganku sahat rodi ujung ni ngolungki
Ido pangidoanki
Molo na so sorang dope sirongkap ni tondingki
Pintor tumibu ma nian ro siboru siboan las ni roha i
Molo na padao-dao do hami
Tibu ma nian pajumpang, ima tangiangki
Puisi Cinta Batak
Oleh: Timbul Simanjuntak
Post a Comment for " Puisi Cinta Batak, Sirongkap ni Tondi"
Silahkan berkomentar bijak tanpa asumsi sesuai dengan topik artikel. Komentar spam atau share link yang tidak relevan akan dihapus. Terimakasih..